РУСКИ КЕРЕСТУР – Традицийни Вельконоцни вашар пред наиходзацим шветом Пасхи у керестурскей парохиї отримани вчера, 13. марца, у просторийох и орґанизациї парохийного Каритасу.
На вашаре ше предавало найвецей писанки и други вельконоцни прикраски и колачи, викладаче окрем домашнїх були и з Коцура, а свой штанд першираз того року мал и тамтейши Каритас, та єдна особа з Вербасу.
Свой штанд мали и млади волонтере керестурского Каритасу хтори предавали колачи цо сами пририхтали, а приход од предаваня похасную за свойо активносци. Нащивителє вашару даровали и свой пенєжни прилог од скоро 2 500 динари, цо будзе похасноване за фамелиї у потреби.
Як дознава Рутенпрес, вашар бул досц добре нащивени, алє ше обачлїво менєй тарґовело.