НОВИ САД – З нагоди 9. мая, Дня побиди над фашизмом, член Городскей ради Нови Сад Владимир Стойкович и делеґациї Городского одбору СУБНОР, Орґанизациї резервних воєних старшинох Городу Нови Сад и Войска Републики Сербиї вчера положели венци на спомин-ознаку погинутим борцом НОВ.
– Нєшка даваме почесц шицким погинутим геройом котри нєсебично дали свой живот у Другей шветовей войни. У борби за шлєбоду Нового Саду и Сербиї дали вельо и то нїґда нє шмеме забуц. Занавше будземе подзековни юнаком котри виратовали швет од страхоти фашизму и хтори зоз своїма животами поставели фундаменти за мир – гварел з тей нагоди Владимир Стойкович.
Венци вчера положени и на спомин-ознаку Новосадского партизанского одряду на Ченею.