ВЕРБАС – Найзначнєйша точка на нєшкайшей схадзки Скупштини општини (СО) Вербас, хтора почина на 10 г., будзе розправа о ребалансу буджету за тот и о буджету општини за 2015. рок.
На дньовим шоре ше аж 32 точки, а медзи иншим одборнїки буду розпатрац Предлог ришеня о поставяню Правобранителя Општини Вербас, Предлог одлуки о локалних комуналних таксох, План ґенералней реґулациї за Вербас, як и плани и програми роботи за идуци рок Културного центру, Центру за социялну роботу, Туристичней орґанизациї и других установох хторим снователь општина и шицких явних подприємствох.