ВЕРБАС/КУЛА – Управа за капитални укладаня Войводини Општини Вербас як безповратни средства додзелєла 50 милиони динари, а Општини Кула 8 милиони динари, на основи конкурсу за софинансованє проєктох.
Вербаскей општини пенєж додзелєни за вибудов канализациї по местох општини, а кулскей за софинасованє вибудови явного ошвиценя на драгох у индистрийней зони Блок 66 у Кули. Зоз свойого буджету, Општина Кула за тоту намену опредзелєла прейґ 4,6 милиони динари.
Контракти о безповратних средствох у Покраїнскей влади з директором Управи за капитални укладаня АП Войводини Недельком Ковачевичом 3. новембра подписали предсидатель Општини Вербас Милан Ґлушац и предсидатель Општини Кула Перица Видеканїч. На подписованю контрактох присуствовал и предсидатель Покраїнскей влади Иґор Мирович.