ВЕРБАС – Коалиция новинарских и медийних здруженьох у хторих УНС, НУНС, НДНВ, АНЕМ и Локал прес вимага од Општини Вербас най понїщи одлуку о тим же би ше Явне комуналне подприємство „Стандард“ почало занїмац з информованьом.
Тота одлука локалного парламенту цалком у процивсловносци и з медийнима законами и з актуалним Законом о явних подприємствох, хтори нє предвидзує же ше явни подприємства занїмаю з информативну дїялносцу.
– Власц у Вербаше би тоти проблеми могла ришиц з почитованьом Закона о явним информованю и медийох, односно так же розпише конкурс за софинансованє проєктох продукциї медийних змистох у складзе з явним интересом и видвої значни средства на тим конкурсу, з чим би ше порушало новинарске поднїмательство – сообщели новинарски и медийни здруженя.
Вони заключели же медийни закони оможлївюю же би Општина у тим преходним периодзе превжала мири з хторима унапредзи информованє на локалу, а у интересу медийних професионалцох и самих гражданох.