Вербас за моцнєйшє сотруднїцтво з Розвойним фондом

автор тах
1.3k Опатрене

ВЕРБАС – Директор Розвойного фонду АП Войводини Ґоран Савич под час вчерайшей нащиви вербаскей општини наявел змоцньованє одношеньох тей установи и локалней самоуправи, як и привреднїкох и польорпривреднїкох з општини, же би ше през поєдинєчни проєкти витворело лєпши економски амбиєнт и унапредзело живот гражданох, пише портал Општини Вербас,

Савич з тей нагоди гварел же Општина Вербас и дотераз добре сотрудзовала з Фондом, алє же вше єст простору за унапредзенє сотруднїцтва и наявел презентациї конкурсох хтори Фонд розписал за привреднїкох и польопривреднїкох, хтори буду отримани у наступним периодзе.

Предсидатель Општини Вербас Милан Ґлушац гварел же Општина потрима тоту файту потримовки гражданом, а виражел и наздаванє же у будучносци з вербаскей општини будзе вецей прияви на конкурси Розвойного фонду.

ПОВЯЗАНИ ТЕКСТИ