ВЕРБАС – Вчера у будинку Општини Вербас отримана друга схадзка тематскей Фокус ґрупи – Одкладанє одпаду у Вербаше и Бачким Петровцу, на хторей предсидателє двох Општинох – др Братислав Кажич и Павел Марчок, подписали Спорозуменє о партнерстве.
Тота схадзка представя предлуженє проєкту „МОПАЛ – модел применьованя Архускей конвенциї у локалу” Еколоґийного руху Вербас, хтори потримує Министерство польопривреди и защити животного штредку и Општина Вербас, а Спорозуменє о партнерстве отвера можлївосц сотруднїцтва на планє заєднїцкого ришованя проблему одкладаня и сепарациї одпаду.
Попри представительох локалних самоуправох и модератора схадзки, предсидателя Еколоґийного руху Вербас Ратка Дюрдєвца, присуствовали и заинтересовани субєкти котри допринєшу ришованю проблему з одкладаньом одпаду – представителє явних подприємствох, дїловних субєктох, Реґионалней аґенциї Бачка.
Предсидатель Општини Вербас др Братислав Кажич визначел же контракт зоз сушедну Општину поможе и же би конєчно бул ришени проблем дзивих депонийох, а Спорозуменє отвера можлївосц за заєднїцке конкурованє з рижнима проєктами до европских, републичних, покраїнских фондох.