ВЕРБАС – Општину Вербас и КПД „Карпати” вчера нащивели госци з Тур`ї Ремети коло Ужгороду у Закарпатскей обласци України, а пре запровадзованє спортско-културного сотруднїцтва и упознаванє з активносцами Українцох и Руснацох у Вербаше.
Штирочлену делеґацию, на чолє з городоначалнїком Тур`ї Ремети Михалом Биганом, спред Општини Вербас привитали заменїк предсидателя Општини Ненад Велицки, та члени Општинскей ради Ґоран Пейович и Милорад Миянович.
Госци нащивели и просториї КПД „Карпати”, дзе их дочекал предсидатель Дружтва др Деян Загорянски и упознал их з активносцами КПД.
Делеґация з України обишла и виставу ручних роботох Активу женох Вербасу. Основну школу „Светозар Милетич”, як и Городски музей, а нєшка нащиви Руски Керестур.
