Вербащанє и представителє НС на Фестивалє у Свиднїку

автор апм/зам
754 Опатрене

ВЕРБАС – Културно-просвитне Дружтво „Карпати” и того року участвує на Русинским фестивалє у Свиднїку, а на тот треци Фестивал русинскей култури у Словацкей нєшка одходзи и делеґация Националного совиту (НС) Руснацох. Русински фестивал у Свиднїку почал пондзелок, 25., а тирва по нєдзелю, 31. май.

З КПД „Карпати” до Свиднїку нєшка путую члени Жридловей шпивацкей ґрупи, члени оркестру Дружтва, делеґация на чолє з предсидательом Дружтва Деяном Загорянскийом, подобови уметнїк Владо Няради и делеґация Општини Вербас, на чолє з предсидательом Братиславом Кажичом.

Шпивацка ґрупа „Карпатох” на Фестивалє наступа на соботу, Нярадийова вистава будзе на пияток, а Вербащанє ше зоз Словацкей врацаю на пондзелок.

Як госци орґанизаторох Трецого Русинского фестивалу у Свиднїку буду и заменїк предсидателя НС Руснацох Йовґен Мудри, предсидатель Вивершного одбору Совиту Желько Ковач и директор Заводу за културу войводянских Руснацох Серґей Тамаш. Попри Свиднїку, делеґация НС планує нащивиц и дзепоєдни други места у Словацкей, пре пораду о витоворйованю Спорозуменя о сотруднїцтве меапмдзи АПВ и Пряшовским самоуправним крайом.

ПОВЯЗАНИ ТЕКСТИ