Вербащанє на Русинским фестивалє у Свиднїку

автор апм
900 Опатрене

ВЕРБАС – На Трецим Русинским фестивалє у Свиднїку, у Словацкей, хтори тирвал од 25. по 31. май, члени КПД „Карпати” з Вербасу участвовали у урядовей програми, а Фестивал провадзели и други представителє вербаского Дружтва.

Всоботу, 30. мая, на отвореней сцени у Свиднїку наступела Жридлова ґрупа, солисти и дует „Карпатох”, хтори одшпивали вецей руски шпиванки, а їх наступ провадзел оркестер Дружтва, под руководительством Миколу Чижмара.

Зоз свою виставу ґрафикох з циклусу „Карпатски мит”, Руснацох зоз Сербиї на Фестивалє того року представял и вербаски маляр Владо Няради.

Вєдно з аматерами, у Свиднїку бул и предсидатель Општини Вербас др Братислав Кажич, а орґанизатор одходу бул предсидатель „Карпатох” др Деян Загорянски.

Сотруднїцтво двох побратимениих општинох, Свиднїку и Вербасу, з тей нагоди подзвигнуте на висши уровень, а порадзене и о нових наступох нашого Дружтва у иножемстве, кед за тото буду витворени вигодни финансийни условия.

 

ПОВЯЗАНИ ТЕКСТИ