РУСКИ КЕРЕСТУР – Як ше и обчековало, популарни Паприґарски бал, хтори того року у рускокерестурским Ресторанє „Червена ружа” отримани всоботу, 6. фебруара, бул окреме весели и барз добре нащивени, понеже було прейґ 200 госцох, найвецей Керестурцох, алє и з Коцура, Дюрдьова и Вербасу.
Веселей атмосфери допринєсол и керестурски оркестер „Микс бенд”, та рижни забавни бависка, як и богата томбола, вредносци коло 400 000 динари, хтору обезпечели орґанизаторе и спонзоре Балу.
Главна награда, пейц полупансиони на Златиборе и плацена драга остала у Керестуре, друга по вредносци – телевизор пошла до Дюрдьова, а трецу награду на томболи -вельки мотор за залїванє достал єден керестурски паприґар.
