Вецей жалби на потупйованє людских правох

автор ртв/сен
909 Опатрене

БЕОҐРАД – У одношеню на исти период 2014. року, за перши три мешаци того року 66 одсто вецей гражданох ше жалєли же им потупени права, гварел Защитнїк гражданох Саша Янкович на схадзки Одбору за людски и меншински права Скупштини Сербиї. Вон гварел же окреме нєвигодни стан у обласци информованя и же загрожена шлєбода виражованя и шлєбода медийох.

У велїх медийох присутна цензура и автоцензура, а новинаре найбаржей подлєгую прициску власци бо ше боя же останю без роботи. Велї гражданє ше жалєли на нєорґанизовану управу и спомалшену администрацию, як и на ресор правди, а заняти у явним секторе и пензионере ше жалєли на зменшанє плацох, односно пензийох, наведол Янкович.

Орґани власци у векшини случайох прилапюю заувагу Защитнїка гражданох, та коло 89 одсто виправя чкоду хтору направели гражданом.

 

ПОВЯЗАНИ ТЕКСТИ