РУСКИ КЕРЕСТУР – Всоботу, 23. януара отримани Майсторски бал, хтори у Руским Керестуре ма найдлугшу традицию, а того току на Балє було 140 нащивительох, цо вецей як влонї.
У орґанизациї Здруженя ремеселнїкох и приватних поднїмательох Керестура Бал отримани у Ресторану „Червена ружа”, а попри з Керестура, було и нащивительох з Коцура, Кули, Лалитю и других местох.
И на тот завод на Майсторским балє була богата томбола у коло сто наградох, а найвреднєйша – французка посцель, остала добитнїкови з Керестура.
На Балє грал керестурски оркестер „Микс-бенд”, а доброму розположеню допринєсли и числени забавни и наградни бависка, та розвага була до позних ранших годзинох.