ВЕРБАС/КОЦУР – И на териториї вербаскей општини 21. юния буду отримани локални виберанки за одборнїкох Скупштини општини Вербас.
У општини Вербас до виберацкого списку уписани 34 939 гласаче, котри на тогорочних виберанкох годни гласац на 36 виберацких местох, од котрих ше 19 находза у самим городу Вербас.
До виберацкого списку у Коцуре уписани вкупно 3 496 гласаче, котри на виберанкох буду гласац на штирох виберацких местох. Виберацке место 27 у правим голу Основней школи ,,Братство єдинство”, 28 у малей сали Месней заєднїци, виберацке место 29 у лївим голу Основней школи и 30 у велькей сали Месней заєднїци.
За локални виберанки, за 36 места општинских одборнїкох у Скупштини општини Вербас, преглашени вкупно 6 виберанково лїстини:
1. „Александар Вучич – За нашо дзеци”
2. ,,Ивица Дачич – Социялистична партия Сербиї (СПС), Єдинствена Сербия (ЄС) –
Драґан Маркович Палма”
3. „Др Воїслав Шешель – Сербска радикална странка”
4. Ґрупа гражданох „Ошлєбодзме Вербас”
5. „Войново ветеранє за Сербию – Vojnovi veterani pre Srbsko”
6. „Рух обнови Кральовини Сербиї – Ана Стокуча”.