БЕОҐРАД – Републична виберанкова комисия (РВК) вчера вечар принєсла ришенє о претаргованю шицких виберанкових активносцох у реализованю виберанкох за народних посланїкох, посланїкох Скупштини Войводини и одборнїкох скупштинох городох и општинох, хтори розписани за 26.април.
З тим ришеньом ше дочасово застановює виберанкови процес под час позарядового стану пре ширенє вирусу корона, а будзе предлужени док будзе принєшена одлука о преставаню позарядового стану.
Компетентни виберанково комисиї обовязни обезпечиц и чувац постояцу виберанкову документацию до предлуженя реализованя виберанкових роботох и виберанкох.