Вибрани скупштински одбори, меновани директоре трох явних подприємствох

автор влдї
835 Опатрене

ШИД – На вчерайшей схадки Скупштини општини (СО) Шид одборнїки перше потвердзели мандати одборнїком Сербскей напредней странки (СНС) Драґанови Савичови, Ґоранови Ковачевичови и Миряни Маркович, котри заменєли одборнїкох Предраґа Вуковича и Зорана Семеновича понеже прешли до вивершней власци, як и Вуядина Васича, котри дал задзекованє прето же є заняти у Општинскей управи.

Одборнїки тиж розришели дотерашнї и меновали 12 нови скупштински одбори и прилапели Програму защити и хаснованя польопривредней жеми, та Програму хаснованя средствох буджетного фонду за защиту и унапредзованє животного штредку.

Пре одход на нови длужносци СО констатовала задзекованя директорох ЯП „Стандард” и „Водовод” Предраґа Вуковича и Александра Йовановича, а за окончовательох длужносци директорох меновала дотарашнїх заменїкох директорох у тих подприємствох – у „Стандарду” Славицу Сремац, а у „Водоводу” Марка Баїча.

За о.д. директора у ЯП за квартельни услуги и будовательну жем меновани дотерашнї директор „Водоводу” Александар Йованович.

На концу схадзки задзекованя на место одборнїкох поднєсли и др Крсто Куреш и Срдян Малешевич зоз СНС пре зраженє интересох, понеже др Куреш директор Дому здравя, а Малешевич Културно-образовного центру.

ПОВЯЗАНИ ТЕКСТИ