АДА/РУСКИ КЕРЕСТУР – Школяр штвартей класи Школи за основне музичне образованє (ШОМО) Кула Виктор Хрин (6. класа ОШ) з керестурского Оддзелєня, на тамбури прим зоз 95,33 бодами освоєл перше место у своєй катеґориї на 13. Фестивалє войводянскей тамбури, хтори 6. априла отримани у Ади.
Виктор ше змагал у конкуренциї 11 школярох, наступел з двома композициями по шлєбодним виборе, а за змаганє го пририхтала наставнїца Геленка Гарвильчак.
На змаганю у Ади успишни були и Дияна Чуде и Марко Алексич з Кули, котри завжали перше и друге место у категориї пиятей класи, а обидвоїх пририхтал наставнїк Владимир Медєши.