ВЕРБАС – Ґенерални конзул Чарней Гори у Сримских Карловцох Миодраґ Канкараш поволал Општину Вербас же би чарногорски язик уведла як службени, понеже за тото сполнєти шицки законски условия.
Як виявел конзул, вимога обновена, а рахую же Вербас, хтори то апсолутно заслужує, треба же би у службеним хаснованю мал и чарногорски язик. Кед тото право будзе витворене, шлїдза и други права хтори значни за було хтору националну заєднїцу.
Канкараш наявел и можлївосц отвераня оддзелєня, лєбо канцелариї Ґенералного конзулату Чарней Гори у Вербаше, з чим би Конзулат бул блїжей простору дзе жиє найвекше число припаднїкох чарногорскей националней заєднїци, а то Вербас, Кула и Мали Идьош.
Як визначел заменїк предсидателя Општини Вербас Милан Ґлушац, локална самоуправа розпатри тоту вимогу, а конєчну одлуку принєше Скупштина општини Вербас.
Чарногорски язик як службени дотераз уведзени у Општини Мали Идьош.