КОЦУР – Од прешлого тижня вимоги за нови електронски здравствени кнїжочки Коцурци можу придац и у просторийох Месней заєднїци у Коцуре, а нє лєм у Центре за социялну роботу у Вербаше
Олєгчанє оможлївене як помоц же би лєгчейше, швидше и туньше могло поднєц вимоги, понеже термин за їх придаванє по 31. децембер того року.
Информацию о числу рахунку на хтори треба уплациц трошки за вирабянє здравственей кнїжочки мож достац у Месней заєднїци, а попри уплатнїци, потребне придац и стару здравствену кнжочку.
Нови здравствени кнїжочки годно и превжац у Месней заєднїци, а на вирабянє ше чека коло мешац и пол.