НОВИ САД – Крачунску винчованку шицким гражданом котри славя швето Рождества Христового по юлиянским календаре упутели и представнїки Покраїнскей влади и Городу Нови Сад.
Предсидатель Покраїнскей влади Иґор Мирович шицким гражданом Сербиї, як и патриярхови Иринейови, священству и шицким вирним, упутел щири винчованки.
– У мено Покраїнскей влади и особнє винчуєм Крачун котри нас здогадує же взаємне почитованє, солидарносц, толеранция и заєднїцтво фундаментални вредносци на котрих мушиме будовац будучносц – поручел Мирович.
Покраїнски секретар за културу, явне информованє и одношеня з вирскима заєднїцами Драґана Милошевич у винчованки пожадала шицким вирним же би Крачун препровадзели зоз своїма фамелиями и ближнїма у радосци, миру и любови.
И городоначалнїк Нового Саду Милош Вучевич поручел же Крачун символична приповедки о людскей доброти, сочувству и нєсебичносци, та поручел шицким же би найвекши людски вредносци, любов, почитованє и толеранцию пренашли у своїх фамелийох.