РУСКИ КЕРЕСТУР – Вирни парохиї св. оца Миколая вчера преславели єдно з найстарших християнских шветох – Богоявлєнє Господнє,. Нєшка почина и пошвецанє обисцох, а будзе тирвац по 18. януар.
Вчeра на швето, Службу Божу служели троме домашнї священїки парох о. Михайло Малацко и капеланє о. Владимир Медєши и о. Михайло Шанта. У казанї парох о. Малацко здогаднул цо сущносц Богоявлєня, хторе здогадує на подїю кед Йоан Хреститель Исуса покресцел на рики Йордан.
Прето ше на Богоявлєнє окончує и обряд пошвецаня води, хтори окончели священїки, парох з ню потим пошвецел церкву и присутних вирних, хтори по Служби води однєсли до своїх домох.
Нєшка з йорданску воду священїки почали и пошвецанє домох, нєшка на Вельким шоре, а далєй по виглашеним розпорядку.