КОЦУР – Искра з Коцура вчера на домашнїм терену бавела општинске дерби-змаганє з Будучносц зоз Савиного села у трецим колє Медзиопштинскей лиґи Вербас-Титель-Жабель, и прешвечлїво победзела аж зоз 8:1.
Резултат уж на полчаше бул 5:1 за Искру, а могол буц и векши, понеже Искрово бавяче нє вихасновали шицки добри нагоди за ґол. Ґоли за Искру посцигли Сердар три, два Малеш, и по єден Колєсар, Живкович и Малацко.
После 3. кола Искра ма 2 побиди и єдно нєришене змаганє, та ше находзи на 3. месце на таблїчки, а у шлїдуюцим колє госцує у Бачким Ґрадишту, дзе бави процив Войводини.