ШИД – З нагоди 119-рочнїци народзеня маляра Сави Шумановича, у ґалериї з його меном у Шидзе отворена вистава з назву „Класичне, сучасне, визионерске у творчосци Сави Шумановича”.
Вистава настала на основи лоньского наукового сходу у Ґалериї „Сава Шуманович”, отриманого 24. юния, а на хторим участвовали визначни професоре, науковци и фаховци з обласци сербскей уметносци 20. вику.
Розличносц приступу ґу Шумановичовей творчосци, хтори мали професоре сучасней уметносци, историчаре уметносци, кустоси и други емнинтни фаховци з беоґрадских факултетох и Ґалериї у Шидзе, уплївовали на концепцию терашнєй вистави.