ВЕРБАС – У вербаскей Штреднєй фаховей школи „4. юлий” орґанизовани проєкт „Вистава националних єдлох, обичайох, облєчива, видео и музични приказ историї, традициї и култури войводянских Руснацох и Українцох”.
Проєкт витворени дзекуюци членом Парняцкого тиму Школи, хтори водзи психолоґиня Ивана Котлая Николич, потим школяром єдного оддзелєня першей класи и їх класному старшинови Славиши Лубуричови, а у тим помогли и библиотекарка Школи Ґабриєла Йовичевич и професорка подобовей уметносци Тамара Барановски.
Проєкт потримали Етно-клуб „Одняте од забуца” з Коцура, хтори на вистави участвовал з ручнима роботами, а з помоцу професорки Даниєли Зупко, як и КПД „Карпати” з Вербасу, хторе за тоту нагоду дало народне облечиво.
Проєкт витворени пре упознаванє школярох з националнима меншинами, їх културу и обичаями, а у рамику проєкту УНИЦЕФ-у „Зоперанє осипованя школярох з образовней системи Републики Сербиї”, до хторого уключена спомнута вербаска школа.