Вистава Силвестера Макая з нагоди його двох ювилейох

автор опс
1.2k Опатрене

НОВИ САД – У Заводзе за културу войводянских Руснацох у Новим Садзе, пред красним числом нащивительох, вчера отворена ретроспективна вистава нашого познатого подобового уметнїка Силвестера Макая з Коцура, з нагоди його 75 рокох живота и 55 рокох творчей роботи.

Присутних привитал директор Заводу мр Серґей Тамаш, а о Макайовей вецейдеценийней творчосци у уметносци, як и педаґоґийней роботи, бешедовал академски скулптор Слободан Бодулич.

Silvester Makaji - Jasa Bakov Foto - Veronika Vujacic

Silvester Makaji – Jasa Bakov
Foto – Veronika Vujacic

Як гварел Бодулич, маляр и скулптор Силвестер дїйствує на рижни способи. Його власни подобови язик препознатлїви у виражованю на поверхносци платна, як и у тродимензионалних скулптурох у просторе.

– Чловек, уметнїк, котри ше шмело жада указац у шицких своїх красних прикметох и манох, ма моци и шмелосци явно ше представиц и виложиц суду критики. Порихтани є бранїю свойо естетични принципи у рижних материялох и мотивох, хтори так схопно овладал и освоєл з творчу енерґию, же би нам одкрил цо то гевто розличне, иншаке и нєповторлїве – визначел Бодулич.

Виставу отворел сам автор Силвестер Макаї, а на вистави, хтора у Заводзе тирва два тижнї, виложени його скулптури и малюнки.

1-Silvo-03

ПОВЯЗАНИ ТЕКСТИ