КОЦУР – Вифлеємски огень мира, хтори принєсли скаути зоз Скаутскей орґанизациї „Пластуни” зоз Закарпатскей обласци у України, вчера, 16. децембра, сцигнул и до Коцура.
Скаутох з Ужгороду провадзел о. Михайло Шанта, а у просторийох Руского дому их привитали числени Коцурци котри пришли превжац пламень Вифлеємского огня зоз своїма швичками. Представнїки тей українскей орґанизациї шицким присутним вирним пожадали же би им Вифлеємски огень, хтори однєшу до своїх домох и запаля на Вилїю, принєсол любов, мир и радосц Рождества.
Вифлеємски огень з места народзеня Исуса Христа, у запалєней швички з Вифлеєму, розноши ше по велїх жемох Европи.
