РУСКИ КЕРЕСТУР – Дзевяте тогорочне число Християнского часопису „Дзвони” вишло прешлєй нєдзелї у парохиї св. оца Миколая. Найвецей статї пошвецени Мати Терезиї з Калкути, новей святительки у Католїцкей Церкви.
У рубрики „Духовне заренко” часопис приноши єй думки о важносци фамелиї и любови у нєй, а попри єй биоґрафиї, контроверзи о єй преглашеню за святу розпатрени у рубрики „Стереотипи”.
„Слово живота” преглїбює тему пребачованя, а ту и шведоченя з духовного живота, витамини за душу и други преглїбйованя автентичного живота по вири.
У нових „Дзвонох” мож пречитац и о актуалносцох у Церкви, як цо то Медзирелиґийне и медзивирске стретнуце у Асизию, Историйни консензус католїцких и православних теолоґох, о гуманитарней акциї Каритасу за помоц настраданим у трешеню жеми у Италиї, та о активносцох и подїйох у наших парохийох.
У додатку „Богословска думка” нови предлуженя приказу паповей були пошвеценей Року милосердия, а у часци „Упознай свой обряд” розпатрене „Рукоположенє за епископа”.