Вишло двочисло „Дзвонох”

автор маф
1.1k Опатрене

РУСКИ КЕРЕСТУР – Двочисло 5-6 Християнского часопису „Дзвони” вишло внєдзелю у рускокерестурскей парохиї св. оца Миколая, а главна тема у нїм нєдавни подїї у Водици на Завитни дзень по григориянским календаре.

У рубрики „Духовне заренко” находза ше виривки з казанї апостолского нунция Лучияна Сурияния на Завитни дзень у Водици, кед є урядово преглашена за одпустове место и прията до заєднїцтва з папску базилику Мария Велька у Риме. О тей подїї написани и звит, а спатрена є и у рубрики „Стереотипи”.

У найновших „Дзвонох” и други стаємни рубрики, як цо то предлуженє написох о рочнїци нашого Каритасу, ювилею парохиї у Сримскей Митровици, ту и Актуелносци у вселенскей Церкви, Слово живота и приклади християнского шведоченя, молитвох и преглїбйованьох.

Дзвони” даваю и прегляд подїйох зоз живота у наших парохийох, як и здогадованя на упокоєних визначних членох керестурскей парохиї Гелену Футо и Юлияна Рамача Чаму.

ПОВЯЗАНИ ТЕКСТИ