Вишло новемберске число „Заградки”

автор рим
883 Опатрене

НОВИ САД – Новемберске число нашого часопису за дзеци „Заградка” з фотоґрафиями на рамику и текстами на 18. и 19. боку приноши активносци у Дзецинским тижню, а у рубрики „Фото-памятки” обявени фотоґрафиї дзепоєдних учашнїкох на тогорочним „Червеним пупчу”. Ту и вистка о Културней манифестациї „Нїтки Меланиї Павлович”.

У найновшим чишлє часопису пише и о програми у Бикичу з нагоди 106-рочнїци народзеня учителя и писателя Михайла Ковача, як и о роботньох за дзеци у Сримскей Митровици.

„Заградка” з кратким виривком з кнїжки „Алиса у жеми чудох” означує 150-рочнїцу обявйованя тей, на цалим швеце познатей кнїжки, а з рускей литератури за дзеци у тим чишлє обявени твори Янка Раца, Михайла Ковача, Мирона Колошняя, Евґения М. Кочиша, Силвестера Д. Макая и Меланиї Павлович.

„Заградка” обявює и литературни твори писательох за дзеци Божидара Мандича и Ґрадимира Стойковича, док у „Малей заградки”, окрем кратких писньох, єст и надосц илустрациї за вифарбйованє. За читачох котри найволя Забавни боки, ту лавиринт, гумор, ребуси, крижалька…

ПОВЯЗАНИ ТЕКСТИ