РУСКИ КЕРЕСТУР – Вчера вишло нове, новемберске число часопису МАК, а „У фокусу” „Бал младихˮ хтори отримани у Дюрдьове и вистава фотоґрафойох „Швет коло нас и у насˮ.
У рубрики „МАК-ов колаж” пречитаце о успихох Дзивоцкей шпивацкей ґрупи зоз Дюрдьова.
И у тим чишлє читачох нашмеє Емова гумористична рубрика „Квитки мудросци”, рубрикa „Так и нїяк иншак” научи дацо нове у вязи зоз нашим язиком, док у „Здогаднїме шеˮ пречитаце интересантносци зоз живота Гавриїла Костельника.
„Швет науки и технолоґиї” пише о зависносци од интернету, а у „Упознай себеˮ мож ришиц кратки тест и дознац чи сце зависни од интернету.
„Спорт и рекреация” у тим чишлє представя успишну, младу сотруднїцу на Институту за билоґийни виглєдованя Ивану Будинскову, хтора праве зоз спортом полнї батериї за дальше напредованє и усовершованє.