РУСКИ КЕРЕСТУР – Прешлєй нєдзелї у керестурскей парохиї св. оца Миколая вишло нове, 9. тогорочне число Християнского часопису „Дзвони”.
Рубрика „Духовне заренко” пошвецена Покрову Богородици, та и тексти о скорейших и нєдавних подїйох у нашим народзе вязаних за тот феномен, док рубрика „Стереотипи” обрабя актуалну тему „Миґранти и вибеженци”.
З „Актуалносцох у вселенскей церкви” видзелєне стретнуце папи Францизка з предсидательом Сербиї Томиславом Николичом, папова нащива америцкому Конґресу, а ту и звити з рижних подїйох у наших парохийох.
У нових „Дзвонох” и призначка о велькому донаторови „Дзвонох” о. Яковови Новакови з Австралиї, та о нєдавним стретнуцу духовних особох у Зомборе. Нове число приноши и податки з матрикулох керестурскей парохиї.
У додатку „Богословска думка” напис о наступним ювилейним року у Католїцкей церкви, хтори будзе пошвецени милосердию, як и предлуженє толкованьох св. Тайни Кресценя.