НОВИ САД – Понеже младежски часопис МАК того року будзе виходзиц кажди мешац, вчера вишло перше число за 2016. рок.
Нови МАК понука и нови рубрики рижних змистох, хтори буду виходзиц у каждим чишлє – „У фокусу”, „МАК-ов колаж”, „Роздумованє наглас”, „Так и нїяк иншак”, „Дакеди и нєшка”, „Упечатки”, „Швет технїки и технолоґиї”, „Спорт и рекреация”, „Упознай себе”, „Куцик совитох”, „Направ сам” и „Власни печац”.
У рубрики „У фокусу” мож пречитац интервю з ґлумцами и авторами сериї „Државни посао”, як и о активносцох младих концом прешлого року.
Рубрика „Роздумованє наглас” приноши „сплєтки и мервеня”, „Спорт и рекреация” пише о Лиґи шампионох 2015/16, а рубрика „Швет технїки и технолоґиї” о даєдних иновацийох хтори означели прешли рок.
Медзи иншим, у януарским чишлє мож ришиц и тест особносци, научиц як направиц паперову шкатулку-винчованку, та пречитац совити за шминканє вжиме.