Вишло фебруарске число „Заградки”

автор рим
846 Опатрене

НОВИ САД – Жимски радосци на шнїгу украшели рамик нового, фебруарского числа „Заградки”, а ту и школяре у ОШ „20. октобер” у Вербаше, котри ходза на годзини руского язика.

Шветом – Националному швету Руснацох и школскому Святи Сава – пошвецени два боки „Заградки”, а у литературней часци часопису представени стихи и приповедки Михайла Ковача, Янка Раца, Якима Олеяра, Меланиї Павлович, Василя Мудрого, Михала Симуновича, Меланиї Римар, и госцох Мирослава Демака и Александра Антича. Представени и роман Ивани Нешич „Тайна нєартикулованого язика”, хтори наградзени як найлєпши роман за дзеци обявени 2014. року.

У додатку за наймладших „Мала заградка” нова „Приповедка зоз гришочками”, малюнки дзецох з дзецинских заградкох у Руским Керестуре, Коцуре и Дюрдьове, як и писньочки наших писательох.

На бокох „Школяре авторе”, медзи литературнима и подобовима роботами обявени и наградзени состав хтори без гришки, чисто по руски написал Борис Тиркайла, школяр другей класи з Дюрдьова.

За розвагу „Заградка” понука два боки, дзе и интересантносци зоз швета, а на остатнїм боку обявени даскельо малюнки вредних читачох и предплатнїкох „Заградки”.

ПОВЯЗАНИ ТЕКСТИ