Вишло януарске число „Заградки”

автор рим
857 Опатрене

НОВИ САД – На рамику януарского числа Заградки” препознаю ше дзеци хтори на швето св. Миколая у грекокатолїцких церквох у Старим и Новим Вербаше достали дарунки, а у рубрики „Фото памятки” наймладши, предшколски дзеци у Коцуре и Руским Керестуре з новорочнима пакециками.

Крачунско-новорочней програми новосадских школярох „Пахулька” пошвецени цали 18. бок, а и литературни и подобово роботи на бокох  „Школяре авторе” инспировани зоз веселима жимскима шветами.

Пред наиходзацим шветом Святого Сави у тим чишлє часописа три кратки приповедки о тому Святительови, а нашо писателє – Микола М. Кочиш, Михайло Ковач, Серафина Макаї, Мелания Павлович и Василь Мудри читачом дарую писнї и приповедки о жими, санканю и Дїдох Шнїжнїкох.

У рубрики „Облачок до швета” представена Антолоґия приповедкох за дзеци „Драга до швета”.

Як мож вираховац старосц древа у загради лєбо у лєше, опатьце на 19. боку, а кед любице рисовац, нє прескочце Забавни боки.

ПОВЯЗАНИ ТЕКСТИ