Вишло 12. тогорочне число „Дзвонох”

автор маф
1.1k Опатрене
РУСКИ КЕРЕСТУР – З нагоди крачунских шветох, у рускокекерестурскей парохиї вишло тогорочне остатнє, дванасте число Християнского часопису „Дзвони” и з найвекшей часци є пошвецейе праве швету Рождества Христового.
„Дзвони” приноша Крачунску винчованку нашого владики кир Георгия, на руским и на українским язику, а тиж и други тексти, медитациї и шведоченя вязани за найрадоснєйше християнске швето.
У рубрики „Стереотипи” розпатрена тема добра и зла, у рубрики „З церковней историї” напис з нагоди 80-рочнїци шмерци о. Михайла Мудрия, дакедишнього керестурского пароха, док Актуалносци зоз вселенскей Церкви шлїдза Папово огляднуца на ситуацию у швеце.
На „Боку за фамелию” текст з нагоди 60-рочнїци супружества Меланиї и Владимира Малацкових з Руского Керестура, а „Запис зоз Горнїци” пише о Крачуну у дакедишнїм Керестуре у Словацкей.
„Дзвони” информую и о швету Миколая и других актуалносцох у наших парохийох, а у додатку „Богословска думка” интересантни напис „Вочи историйней подїї – Сто роки од указаня Мацири Божей у Фатими”.

ПОВЯЗАНИ ТЕКСТИ