РУСКИ КЕРЕСТУР – У рускокерестурскей парохиї св. Миколай за Русадля вишло 6. тогорочне число Християнского часопису „Дзвони” и з найвекшей часци є пошвецене историйней подїї преглашеня подзвигованя нашого еґзархату до Епархиї св. Миколая хтора отримана у Новим Садзе и Руским Керестуре 18. и 19. мая.
„Дзвони” приноша звити з обидвох подїйох, богато илустровани зоз фотоґрафиями вецей репортерох, друковани и виривки зоз бешедох найвисших церковних велькодостойнїкох як цо кардинал Сандри и наш владика Георгий. Попровадзена и сама орґанизация и пририхтованя за преславу у керестурскей и других наших парохийох.
У нових „Дзвонохˮ и други стандардни рубрики, звити з подїйох по наших парохийох як и додаток Богословска думка у хторим предлуженя о Паповим писме фамелийом и Написох ґу 100-рочнїци РНПД-а.
И тото число „Дзвонох” видруковане цале у фарбох и на квалитетним паперу, а мож го купиц у шицких наших парохийох.