НОВИ САД – Вчера вишло януарске число младежского часопису МАК, а „У фокусу” му „Слово живота за младих”, Младежска фолклорна ґрупа Руского културного центру у Новим Садзе, як и Адорян Чизмар з Коцура, хтори роби на ладї.
У тим першим тогорочним чишлє, „МАК-ов колаж” пише о проєкту „Авторки у рускей литератури”, а ту и нова гумористична рубрика „Квитки мудросци у МАК-у”, „Кинотека”, як и „Здогаднїме ше”, хтора пише о Националному швету Руснацох.
„Спорт и рекреация” представя двох спортистох штредньошколцох, Ненада Шанту з Коцура и Бориса Югика з Руского Керестура, а „Алт шоу у МАК-у” „ґеймерку” и медицинску шестру у Нємецкей Таню Лїкар з Керестура.
Кед ше сцеце предплациц на МАК у тим року, пошлїце мено, презвиско и адресу на mak.magazine@gmail.com, на Фейсбук бок – MAK MAGAZINE, лєбо Инстаґрам – mak.magazine. Рочна предплата 1 000 динари, а плациц мож и на рати.