БЕОҐРАД – Влада Сербиї вчера дала согласносц Републичней дирекциї за робни резерви же би од реґистрованих польопривредних ґаздовствох купела до 10 000 кармени швинї по 170 динари за 1. класу, 150 динари за 2. класу и 140 динари за килу за 3. класу, сообщела Канцелария Влади за сотруднїцтво з медиями.
Влада дала согласноц Републичней дирекциї за робни резерви и за натуралну черанку 15 000 тонох меркантилней кукурици за кармени швинї, и то 11 кґ кукурици за першу класу, 10 кґ за другу и 9 кґ кукурици за килограм кармених швиньох трецей класи.
Тоти мири Влада принєсла пре ришованє чежкей економскей ситуациї у хторей примарни продукователє кармених швиньох, наводзи ше у сообщеню.
Интервентни одкуп швиньох би могол почац початком идуцого тижня, гварела анґенциї Танюґ министерка польопривреди Снежана Боґосавлєвич Бошкович, з дополнєньом же подзвигнути и прелевмани за два тарифни линиї швиньох – зоз скорейших 3,6 и 4,8 на 10 динари по килограму.