СЕРБИЯ – На схадзки представительох Влади Сербиї и нєзадовольних польопривреднїкох порадзене же Влада идуцого тижня риши проблеми вязани за одкуп меса и млєчних продуктох. Место наявеней блокади драгох, векшина польопривреднїкох ше лєм превезла на тракторох по Сримскей Митровици, Руми, Кузмину и ище даєдних других войводянских местох, як спозоренє Влади же би озбильно зрозумела обецунку, преноши РТВ.
Гоч векшина продукователє одустали, єдна часц заш лєм блокировала часци драгох коло Шабцу и Боґатичу на даскельо годзини.
Предсидатель Униї польопривреднїкох Сримскей Митровици Златан Дюрич за аґенцию Бета гварел же тераз загрожени 20 000 газдовства хтори продукую месо и млєко, на цо треба реаґовац.
Продукователє вимагаю же би робни резерви одкупели кармени швинї по 185 динари, же би ше орґанизовало одкупйованє млєка, та по конєц рока забранєло увоженє меса, месних преробкох, млєка и млєчних продуктох.