НОВИ САД – Наш познати писатель Владимир Кирда Болхорвес з Нового Саду вчера, 16. юлия, на Филизофским факултету у Новим Садзе одбранєл свою докторску дисертацию з насловом „Утопия у дїлу Гавриїла Костельника и Герберта Джорджа Велса”.
Ментор Кирдовей докторскей дисертациї академик Юлиян Тамаш, а у комисиї були проф. др Драґан Кокович, проф. др Стеван Константинович и проф. др Михайло Фейса.
По словох ментора академика Юлияна Тамаша, тема роботи значна и з теорийного аспекту, понеже феномен утопиї филозофски, социялни и литературни проблем, а утопия у дїлу оца нашей литератури Гавриїла Костельника и познатого анґлийского писателя науковей фантастики Герберта Джорджа Велса, окреме єй поровнованє, прицагла и фаховцох з нашей литератури и ширшу публику, котра провадзела вчерайшу одбрану Кирдовей докторскей дисертациї.