ДЮРДЬОВ – Институт за явне здравє Войводини и того мешаца потвердзел же вода у Дюрдьове здравствено исправна и же ю мож хасновац за пице, варенє, приготовйованє єдзеня, отримованє особней и общей гиґиєни.
Преверйованє квалитету води ше у Дюрдьове окончує раз мешачно, а прикладнїк ше бере зоз Еко студнї котра же находзи у центру валала.
Под час пандемиї, алє и надалєй, окончує ше дезинфекция и водзи ше рахунку о безпечносци людзох котри ю хасную.
