ДЮРДЬОВ – Явне комуналне подприємство „Водовод општини Жабель” у Жаблю сообщело же од нєшка, 8. марца, вода зоз явного водоводу у Дюрдьове здравствено исправна, односно мож ю хасновац за пице.
Сообщенє видате на основи записнїка Покраїнского секретарияту за здравство – сектор за санитарне надпатранє и явне здравє, оддзелєнє Нови Сад котре контролує квалитет води у местох општини Жабель.
Най здогаднєме, пред седем мешацами у авґусту 2018. року исти служби видали ришенє на основи хторого ше од теди воду хасновало лєм за санитарно-гиґиєнски потреби. Концом фебруара и початком марца того року на вецей заводи дюрдьовски водоводни циви вимивани з новим дезинфекцийним средством котре, судзеци по новим ришеню, дало добри резултати.