КОЦУР – Волонтере з Голандиї, з орґанизациї „Помоц восточней Европи”, дзекуюци сотруднїцтву з коцурску Євангелску церкву, вчера знова нащивели Коцур. То уж осми раз же Голандянє волонтерски робя у Коцуре и того року уж ушорели Школу, а буду робиц и у дзецинскей заградку и Євангелскей церкви.
Двацецеро волонтере добродзечнє обилєли дольню часц голу коцурскей Основней школи и очухали облаки, а потим у дзецинскей заградки предлужа билєнє и мальованє мурика коло того будинку, цо вяри започала друга ґрупа волонтерох.
У Євангелскей церкви у Коцуре поставя изолацию, а єдна часц волонтерох тих дньох ушорює и Євангелску церкву у Дюрдьове.
