Всоботу бул гуманитарни полудзенок, подзелєни и дарунки

автор сас
664 Опатрене

ДЮРДЬОВ – Всоботу, 12. януара, у Културно-уметнїцким дружтве „Тарас Шевченко” у Дюрдьове орґанизовани гуманитарни полудзенок за особи з валалу котри у нєвигодней материялней ситуациї.

Присутних привитал Йовґен Мудри, главни орґанизатор гуманитарного полудзенку и координатор Каритасу, а потим була културно-уметнїцка програма у котрей участвовали младши члени валалского КУД „Бранислав Нушич”.

На полудзенку сто штиром особом понукнути роштиль и торта, а потим орґанизована томбола у котрей кажда особа бавела и кажда достала дарунок – ручнїки, шмати, покровци, посцелїну и друге. Пред одходом дому кажде достал пакецик з дзешец деками кафи, ботошами и чоколаду. За нєрухоми особи орґанизовани превоз.

Гуманитарни полудзенок отримани уж седми раз дзекуюци донатором, добродзечним орґанизатором, як и Управному одбору КУД „Тарас Шевченко” котри и того року уступел свой простор. Орґанизацию помогла Милица Виславски спред Месней орґанизациї пензионерох Дюрдьова, а присутни були и представнїки локалней и општинскей власци – Душанка Джамбас, предсидателька Совиту МЗ Дюрдьов и Душко Михелц, член Општинскей ради.

ПОВЯЗАНИ ТЕКСТИ