ЖАБЕЛЬ/ДЮРДЬОВ – Концом прешлого тижня у Дюрдьове траґично настрадал шейсцрочни Урош Планчак, на котрого на импровизованим спортским терену у населєню Телеп спадла капура за ґол.
Пре тоту траґичну подїю, всоботу 5. марца, у Општини Жабель бул Дзень жалосци. На будинкох явних установох застави Републики Сербиї були спущени на пол копиї, а у образовних установох Дзень жалосци означени и з минуту цихосци на першей школскей годзини.
Предсидатель Спортского союзу Општини Жабель Витомир Лисица поволал гражданох у шицких местох општини же би ше пред поставяньом було яких справох на терени – перше о тим консултовали з компетентнима.