Вукица Петрович нова директорка дюрдьовскей Школи

автор сас
821 Опатрене

ДЮРДЬОВ – Од нєшка, 14. октобра, на длужносц директорки ОШ „Йован Йованович Змай” ступела Вукица Петрович з Нового Саду, педаґоґ у тей школи, а на длужносци директора заменєла дотерашню Марию Тртич з Дюрдьова.

На Конкурс за директора ОШ у Дюрдьове конкуровали ище Владимир Томич, професор музичней култури з Петроварадину и Радосав Ращанин, професор русийского язика з Младеновцу, заняти у ОШ у Крущичу.

После гласаня школского колективу и на Школским одборе, та  доставаня думаньох од Националного совиту Руснацох и Националного совиту Ромох, согласносци Покраїнского секретарияту за образованє, предписаня, управу и национални меншини-национални заєднїци, за директорку вибрана спомнута Вукица Петрович.

Як Петровичова гварела за Рутенпрес, понеже як педаґоґ у дюрдьовскей Школи роби од 1981. року, од теди ше пременєли пецеро директоре и шицким помагала у роботи, як и у пририхтованю проєктох за рижни конкурси на хторих Школа участвовала и витворйовала их од 2002. року.

Нова директорка нє бешедує по руски, алє гвари же значне же би ше у дюрдьовскей Школи и надалєй формовало руски оддзелєня и же би руски язик бул заступени у шицких сеґментох роботи Школи.

У нєдавним чаше кед нє було оддзелєня першей класи у порядней настави по руски,  як позитивне оценєла уводзенє факултативного виучованя руского язика за школярох у двох ґенерацийох.

ПОВЯЗАНИ ТЕКСТИ