НОВИ САД – З нагоди освойованя бронзовей медалї у дзешецбою на Европским першенстве у атлетики у Амстердаме, городоначалнїк Нового Саду Милош Вучевич и член Городскей ради за спорт и младеж Оґнєн Цвєтичанин вчера у Городскей хижи орґанизовала приєм за атлетичара Михаила Дудаша и повинчовали му на посцигнутим успиху, а стретнуце було нагода и за розгварку о стану у спорту и о условийох тренированя.
Вучевич гварел же Михаил Дудаш и Ивана Шпанович єдни з найвекших гордосцох Нового Саду и же Город предлужи ище вецей укладац и робиц на злєпшованю условийох за новосадских атлетичарох. Вон визначел же пре будуци ґенерациї треба поряднє робиц на розвою спорту, прето же ше през спорт формує прави вредносци при младих.
Михаил подзековал на приєму и гварел же є окреме подзековни тренерови Федьови Камасийови и руководительству Атлетского клубу „Войводина“, з чию помоцу посцигнул таки значни резултати. Надпомнул же ше пририхтує за Олимпийски бависка, дзе ше наздава преруцованю дотерашнього державного рекорду у дзешецбою.