Вучевич: Титула як розвойна шанса

автор ртв/зам
1k Опатрене

НОВИ САД – Преглашенє Нового Саду за Европску престолнїцу култури 2021. року велька розвойна шанса за Нови Сад и цалу Сербию, оценєл городоначальнїк Нового Саду Милош Вучевич на окремней конференциї за новинарох з нагоди доставаня спомнутей титули у Бриселу 13. октобра.

Вучевич гварел же Город за наступни пейц роки обчекую структурни пременки у роботи установох култури и финансованю проєктох, а ушлїдзи и обнова Младежского креативного центру. Додал же то будзе моцни порив за привреду, економию, туризем и добра реклама за Нови Сад, алє и за цалу державу.

Предсидатель Орґанизацийного одбору Нови Сад 2021. Неманя Миленкович визначел же з преглашеньом Нового Саду за Европску престолнїцу култури, Город перши раз достал стратеґию розвою култури, а то би мал буц стимул и за Владу Сербиї.

ПОВЯЗАНИ ТЕКСТИ