Вчерайши Дзень як опомнуце же би ше зло нє повторело

автор влдї
1.3k Опатрене

ШИД – Општински одбор Лиґи социялдемократох Войводини (ОО ЛСВ) вчера здогаднул же ше 27. януар у цалим швеце означує як Дзень здогадованя на жертви голокаусту, кед пред 70 роками ошлєбодзени найозлоглашенши лаґер шмерци у окупированей Европи – Аушвиц.

– План знїщованя цалого єдного народу вельке опомнуце на тото же ше зло знова може повториц, а пробованя регабилитованя преглашених войнових злодїйох и релативизованє антифашистичней борби у Другей шветовей войни, тиж опоминаюци – гвари ОО ЛСВ у сообщеню.

– Прави екстремизем нє ма мира у швеце и у нас, и прето тот Дзень здогадованя нагода повесц „нє!” идейом шмерци и поручиц же ше таке зло нїґда вецей нє шме повториц – поручене у сообшеню ОО ЛСВ Шид.

ПОВЯЗАНИ ТЕКСТИ