Вчера „Вона нєвиновата”, нєшка „Лов на ловара”, на ютре „Свадзба”

автор сен
1.3k Опатрене

РУСКИ КЕРЕСТУР – Главна, театрална часц тогорочного Драмского мемориялу Петра Ризнича Дядї вчера вечар почала з представу „Вона нєвиновата” Йовґена Кочиша, у режиї и адаптациї Михайла Зазуляка, а у продукциї Руского народного театру „Петро Ризнич Дядя”.

Премиєра тей социялней драми з елементами траґедиї була у октобру прешлого року, а и под час вчерайшого виводзеня на Мемориялє при публики виволала глїбоки емоциї. У представи ґлумя Славко Орос, Биляна Ковачевич, Александер Мудри, Ребека Планчак, Матей Шепински, Емил Няради, Михайло Варґа, Ксения Макаї Орос, Ненад Канюх, Владимир Варґа, Любомир Дудаш и Яким Винаї.

Награду публики жирия за найлєпше одбавену улогу у представи „Вона нєвиновата” вчера достал Славко Орос, за толкованє улоги „Марка Обровского”.

Нєшка на Драмским мемориялє на 20 г. будзе виведзена представа „Сезона лову на ловара” Александра Витера, у режиї Владимира Надя Ачима, а у продукциї Драмского студия АРТ Дому култури Руски Керестур.

На ютре на Мемориялє участвує представа „Свадзба” Антона Павловича Чехова, у режиї Лидиї Стеванович, у хторей ґлумци ґлумя на вецей язикох. Мултиязична представа витворена у продукциї Заводу за културу войводянских Руснацох, а тиж почина на 20 годзин.

 

ПОВЯЗАНИ ТЕКСТИ